Diasabra awor Cas di Musica Piedra Plat cu Festival Musical Cultural Open Stage

ORANJESTAD (AAN): Diasabra 12 di maart 2022 Docentenan, studiantenan y artistanan invita lo presenta un show cultural cu bon musica, canto, bailenan folklorico y danza moderno.

   Grupo di Betico lo ta back riba stage despues di 2 aña.  Otro gruponan invita ta: Alegria & Goso, Club di Movimiento, Grupo di baile nos Cultura,  Steelpan & Cas di Musica, Dj Caleto & World beat records, Mandolin & Cas Di Musica. Y tambe Gismary Linarez Ganador absoluto Categoria Hubenil di e Festival un canto pa Aruba Su Himno y Bandera 2022.  

   E festival cultural aki lo tuma luga na Fundacion Centro Famia Piedra Plat, cu ta keda net na banda di Compleho Deportivo Franklin Bareño. Esaki lo ta un fundraising event pa e Fundacion. Entrada lo un suma atractivo, cu oportunidad pa gana premionan durante e anochi. Cumpra bo carchi na tempo pa bo no keda afo. Por pasa na oficina entre 12:00 pm cu 6:00 pm.

  Ban sigui celebra nos cultura y aprecia tur locual ta di nos sanamente como un famia grandi. Aruba nos dushi tera, nos Himno y Bandera.