Cobransa di erfpacht 2026 a sali y por paga esaki na DIMP

Fecha oficial ta 30 di October 2026

ORANJESTAD (AAN): Departamento di Infrastructura y Planificacion (DIP) a caba di saca e cobransanan di erfpacht di aña 2026. Mientrastanto Departamento di Impuesto a ricibi e datonan di e cobransanan aki for di DIP y awor ta cla pa cuminsa cobra e sumanan di erfpacht di aña 2026.

   E fecha oficial di e cobransa menciona ta 30 di october 2026. E ultimo dia pa haci pago ta 13 di November 2026. E contribuyentenan por acudi na un oficina di Departamento di Impuesto pa haci pago of por haci esaki online via banco.

   Areglo di pago: Si acaso un contribuyente no ta alcansa pa haci e pago na tempo, ta consehabel pa cera un areglo di pago mas pronto cu ta posibel. Pa esaki mester drenta den e portal di BOi y click riba e folder ‘Betalingsregeling beheren’. Despues ta click riba ‘Betalingsregeling aanmaken’. Selecta e debenan cu ta forma parti di e areglo y sigui e instruccionnan. Pa haya un bista di e debenan, click riba ‘Rekeningoverzicht bekijken’.

   Pa informacion, pregunta of obhecion tocante e cobransa, por tuma contacto cu Departamento di Infrastructura y Planificacion (DIP).  Pa informacion of pregunta tocante pago di e cobransa, por tuma contacto cu Departamento di Impuesto na 522-7424 of 522-7423 of por manda un e-mail na This email address is being protected from spambots. You need JavaScript enabled to view it..