The content originally appeared on:
Diario
ORANJESTAD (AAN): Unidad di Polis di Playa cu riba Diadomingo anochi tabata yegando na e rotonde di e camindanan di WVB Boulevard cu Avenida Nelson Oduber,
y Irausquin Boulevard cerca di Guardian Group Fatum, a bin topa cu un accident, net riba e via cu ta bay pa Lowrise Hotels.
Nan a bin topa cu un palo di luz benta abao mey-mey di caminda, y algun meter mas leu un Volkswagen Bus di Arubus, y un Toyota Yaris sedan color blanco.
Agentenan a yega y prome informe di e chauffeur di Bus ta cu ningun hende ta herida. A bay papia tambe cu e chauffeur di e Toyota Yaris, y mesora agentenan a nota cu e persona aki ta mustra di ta fuertemente bao influencia di alcohol.
A sali na cla, cu e chauffeur di e sedan Toyota Yaris blanco cu number A-70443 coriendo auto bao influencia a core iresponsabel bahando caminda mientras e ta draai rond di e rotonde, rancando e palo di luz. Despues di esey el a bay dal na banda di e bus cu matricula B-131 cu tabata pasando.
A base di test y observacion, Polisnan mesora a detene e chauffeur y a pidi vehiculo di transporte pa bay cune. El a worde hiba warda di Shaba.
Compania di seguro a yega pa asina atende cu e bus, e Yaris a ricibi basta daño material dilanti.
