The content originally appeared on:
Diario
ORANJESTAD (AAN): Beyond Sport Limit Foundation Aruba, un fundacion cu ta yuda personanan cu limitacion den deporte,
a organiza un bunita evento cu e intencion di yuda muchanan cu nan ta considera como atleta special, cu por tin cualkier tipo di limitacion y cu pa motibo di esaki, tin mas dificultad pa subi Hooiberg y nunca a haya e oportunidad pa wak e punto mas halto di Aruba. Y nan kier a duna e muchanan e experiencia aki.
Gerald Moreta, di Beyond Sport Limit Foundation Aruba a splica cu ayudo di Cuerpo Policial, Kustwacht, ARUMIL, Brandweer y comunidad di Crossfit a logra cera 60 boluntario y a parti nan den grupo pa asina cada grupo hiba un mucha na e top di Hooiberg.
Moreta a agrega cu nan ta hopi contento y ta un honor cu e evento a crece e aña aki, y ta spera cu e evento por sigui crece cada aña.
