The content originally appeared on:
Diario
Rino Hermans di CMO:
*Cu alcance pa tur hende
ORANJESTAD (AAN): Rino Hermans di Crisis Management Office Aruba (CMO) a duna di conoce cu a caba di realisa un inversion di 1.8 miyon Florin hinca den e sistema di ‘Early Warning Systems’.
Cu esaki ta bay ‘push’ e prome 8 torenan cu ta bay yega Aruba pa asina na Augustus keda cla. Ta bezig cu e di dos fase pa tin Aruba cien porciento. Aruba ta bay bira e prome pais na mundo cu tin 100 % ‘Early Warning Systems’ cu ta alcansa tur hende, incluyendo Parke Nacional.
Ta premira cu pa Augustus e prome 8 towernan lo ta na Aruba y e ora Aruba lo ta 100 % cubri, Hermans a duna di conoce.
Aruba a scoge pa no solamente tin un sistema di sirena pero tambe di voice caminda e instruccionnan lo bin den 4 idioma.
Por ehempel, ora di primi un sirena hende no lo sa si ta pa candela of tsunami. Cada tres aña ta purba actualisa e ‘software’, a bisa.
E mericanonan cu a gana e ‘bid’ a bishita Aruba caba. A haya 8 tower enbes di 6, pasobra Union Europeo a financia 6 tower. E compania a duna 2 mas. Pa Augustus no solamente ta bay haya e towernan di Setar, pero tambe e towernan di CMO, Hermans a duna di conoce.
