The content originally appeared on:
Diario
ORANJESTAD (AAN): Recientemente Sr. Rubin Ponson Presidente di Aruba Lions Club hunto cu Sr. Igor Croes y Señora Magaly Franken di Technodent y
tambe miembronan di board di Aruba Lions Club a haci un bishita di cortesia na Minister di Salubridad Dangui Oduber.
E bishita tabata pa asina duna minister mas informacion di un di e proyectonan cu Aruba Lions Club tin ya caba pa algun aña cu ta e “Smile Mobile” unda cu por lo menos 3 biaha pa aña ta haci bishita na e casnan di cuido pa limpia y drecha e dentadura (plachanan) den boca di nos grandinan.
Aparte di esey, e team di Lions tambe ta hiba poco musica pa nos grandinan y algo di pasaboca.
Durante e encuentro aki tambe a manifesta e preocupacion di e estado con ta haya e dentadura (planchanan) cu tin ora hasta ta kibra y e grandi no por use debidamente.
Minister a gradici Sr. Croes y Sra Franken pa e bunita trabao y tambe na Sr. Ponson di Aruba Lions Club pa e proyecto aki cu tambe a worde reconoci pa Lions Club International.
