The content originally appeared on:
Diario
ORANJESTAD (AAN): Aruba Bank ta orguyoso di sponsor “track suits” pa Olympia Track & Field Club mientras nan ta prepara pa competi den Speed Capital Florida Series Championship 2024 na Orlando dia 8 y 9 di juni.
E donacion ta demostra e compromiso di Aruba Bank pa apoya deporte local y desaroyo di hubentud.
Funda dia 28 di mei 1969 door di Harry Janssen, Olympia ta enfoca na inculca disciplina y amor pa atletismo den su miembronan. E team lo ta representa pa 20 atleta di varios edad y 2 entrenador, acompaña pa algun mayor.
E patrocinio di Aruba Bank ta cubri “track suits” pa e atletanan, sigurando cu nan ta bon uniforma mientras nan ta representa Aruba riba un nivel internacional.
Aruba Bank ta contento di por a yuda Olympia Track & Field Club y ta desea tur atleta hopi exito.
