Aruba Bank orguyoso di participa como sponsor den Aruba Doet 2026 na Cunucu Abao

ORANJESTAD (AAN): Aruba Bank ta mira cu hopi orguyo bek riba un proyecto exitoso durante Aruba Doet 2026 ,

unda un team dedica di boluntario a uni forsa pa contribui na mehoracion di e comunidad di Cunucu Abao.

   Durante e actividad di 16 di mei 2026, boluntarionan di Aruba Bank a traha hunto pa duna un bida nobo na e espacio comunitario. E proyecto a inclui mantencion di ekipo di ehercicio  creando un espacio mas bunita, seguro y agradabel pa tur residente di Cunucu Abao .

   Aruba Bank ta hopi agradeci na tur boluntario cu a participa y contribui cu entusiasmo y compromiso durante e proyecto. E iniciativa aki a logra haci un impacto positivo den nos comunidad.

   Aruba Bank ta continua na compromete cu iniciativa comunitario cu ta fortalece Aruba y mehora e bienestar di su comunidad.