Local News

Oficialmente a lanza ‘Tienda di Derecho di Mucha’ na Aruba

21 November 2026
This content originally appeared on Diario Online.
Promote your business with NAN

Ministro Gerlien Croes ta contento

ORANJESTAD (AAN): Riba Diabierna, Ministerio di Hubentud a ricibi bishita di Asociacion ATHA, den cuadro di e lansamento oficial di ‘Tienda di Derecho di Mucha’.

   Tienda di Derecho di Mucha ta un iniciativa importante pa brinda nos mucha- y hobennan informacion, orientacion y sosten tocante nan derechonan y debernan. Mañan 20 di november, Dia Internacional di Derecho di Mucha, ATHA lo presenta oficialmente e Tienda di Derecho di Mucha!

   Un luga unda mucha, hoben y mayor por bin cu nan preguntanan tocante derecho di mucha. Sin procedura complica, simplemente un porta habri.

   Tienda di Derecho di Mucha (8 te cu 24 aña):  Esaki cu informacion, conseho, yudansa cortico cu un carta, keho of combersacion, y si ta necesario, un referimento cu cuido.

   E Tienda tambe ta e punto di contacto oficial di Comision Nacional Derecho di Mucha.

Cada mucha tin derecho. Cada mucha merece di conoce nan.

   Na mes momento a cera conoci cu ‘Lio’, e cododo cu ta lider cu curashi di un grupo di mascotanan cu lo yuda representa y promove e diferente derechonan di nos mucha- y hobennan.

   Ministro Gerlien Croes a duna su felicitacion na ATHA pa e iniciativa valioso aki! Hunto nos ta sigui traha pa un Aruba unda cada mucha su voz ta conta y su derechonan ta wordo respeta y proteha.