Mas oportunidad pa hobennan despues di scol

ORANJESTAD (AAN): Recientemente CEDE Aruba y Stichting Katholiek Onderwijs Aruba SKOA a firma

un acuerdo di colaboracion pa fortalece y amplia programanan despues di scol na cuater scol na Aruba.

   Cu sosten di Aruba Tourism Authority (ATA) durante e aña escolar 2026–2027 ta haci esaki posibel pa duna sosten na muchanan y hobennan pa tin mas oportunidad pa descubri nan talento, desaroya habilidadnan nobo y participa na actividadnan educativo, deportivo, cultural y creativo den un ambiente sigur y positivo.

   E cuater scolnan participante ta Colegio Santa Filomena Basisschool, Filomena College MAVO, Maria College Mavo y Colegio San Antonio Aruba MAVO.

   Hunto, ta inverti den futuro di nos hobennan y fortalece e conexion entre scol y comunidad!