“Cada victima di accidente di trafico ta un di mas”

Altocomisario Ramon Arnhem:

ORANJESTAD (AAN): Cuerpo Policial Aruba a ta mirando un tendencia halto di accidente den trafico cu awe nos tin lamentabelmente e di 13 morto den trafico pa 2026.

"Mi ta hopi preocupa, tin hopi accidente den trafico y cada un victima ta un di mas, esaki mester STOP!", tabata palabranan di Altocomisario Ramon Arnhem cu enfasis riba e ultimo acontecimentonan den trafico.

Cuerpo Policial Aruba ta haci un yamada na nos comunidad tambe pa tur automobilistanan cu ta forma parti di nos trafico pa ta e bon ehempel di sigui reglanan di trafico y comporta bo mes den trafico. Sea conciente di bo conducta y duna ehempel! Nan ta haci un suplica pa lo siguiente: Pone atencion den trafico, pone bo celular un banda, no surpasa e velocidad maximo, no maneha bou influencia of otro substancia y NO duda pa pasa e yabi! Tene cuenta cu nos adultonan mayor, maneha cu rijbewijs valido y ta atento ken ta maneha bo vehiculo. Tambe nan ta haci un suplica di NO tuma riesgonan iresponsabel! Un decision, un descuido y den un fraccion di seconde por cambia bo bida, bida di bo ser keri, di e victima y di otro cuidadanonan.

KPA lo sigui cu su controlnan pisa den trafico y lo parti boet pa infraccion den trafico asta por bay na detencion! No laga esaki bay asina leu! Bo comportacion den trafico ta determina seguridad di nos tur pesey e seguridad den trafico ta responsabilidad di nos tur!