President di Dokternan Specialista na Aruba a reuni cu Gobernador

ORANJESTAD (AAN): Gobernador Alfonso Boekhoudt di Aruba recien a ricibi Bert Rodenburg, Presidente di Asociacion Specialista Hospital di Aruba (ASHA), den audiencia.

   Sr. Rodenburg ta activo como internista y specialista di malesanan infectional na Horacio Oduber Hosptital (HOH) desde 2016.

   E combersacion tabata enfoca principalmente riba sera conoci cu otro. ASHA a wordo funda na 2015 y ta e asociacion pa e personal medico di HOH.

   E asociacion tin como meta pa promove cuido specialista medico di calidad halto pa pashentnan y pa representa e interesnan profesional di su miembronan.  E potret ta pa cortesia Kabinet Gouverneur Aruba.