Tin 14 aña papiando di mesun temanan pero nada a soluciona pa KPA

Parlamentario Ruthlyn Lindor di Futuro

ORANJESTAD (AAN) Ruthlyn Lindor, Parlamentario di fraccion di FUTURO, den un entrevista cu DIARIO, cu KPA ta un tema cu ta keda hopi cerca di su curazon.

“No ta di aworaki cu ta conoci cu mi a traha hopi cerca di Korp, y mi a traha den Korp, pues esaki ta algo cu for di aña 2012 no ta bringa p’e.

   Ta duel mi masha hopi mes, cu awo nos ta 2026, 14 aña despues ainda nos ta tratando e mesun temanan. Dus, bo ta sinti cu bo a keda pega. Nos sa tambe cu pa hopi tempo tabata tin un structura di KPA cu no ta stabil. Wak cuanto Korp a camba den e ultimo añanan, diferente Minister di Husticia a bin bay, tabata tin un tempo cu Ministernan di Husticia y Social unda cu e problema di Salud Mental por a wordo ataca pasobra bo ta hefe y bo tin tur dos banda bao di bo, bo por a pone nan traha hunto y pa un of otro motibo ainda nos no a logra e formula corecto pa wordo trata”, Parlamentario Lindor a señala.

   E honorabel dama a menciona cu aña pasa el a manda carta puntrando Minister di Husticia, ki hubo pa introduci banda di polis, un team pa intervencion di crisis, cu ta loke mundialmente ta tumando lugar, pasobra no tur ora polis ta e persona adecua pa intermedia den problema di salud mental.

   “Hopi biaha bo tin hende cu tin ‘auto return’ pa e  persona ey bo no ta manda un polis pa deal cu e caso aki. Of bo ta bise algo full otro, pues por tin formulanan pa por deal cu e problema aki. Mi ta haya cu tin hop aña papiando riba e tema aki, y ta bira tempo pa tuma accion. P’esey mi ta haya lastima cu 14 aña despues nada, nada, nada a cambia! El a bira peor, eigenlijk, pasobra si bo wak cu hopi kader personal a bay, pasobra nan ta carga cualkier proyecto, y ta bayendo cu pensioen bo ta creando un buraco hopi grandi prome cu bin cu e solucion”, Parlamentario señora Ruthlyn Lindor, fraccion Futuro, a remarca.