Dos ladron a uza boto pa yega na refineria pa horta tubo di koper

Uno a keda deteni...

ORANJESTAD (AAN): Wardacosta di Caribe Hulandes a ricibi un yamada riba Diasabra marduga cu informacion di cierto movecion straño den bisindario di refineria na San Nicolas. Na e mes un momento, tabata tin un unidad di Metal Shark patruyando riba lama.

   Personal di Centro Maritimo Operacional di Wardacosta a pidi e Metal Shark pa dirigi nan mes den direccion di refineria. Simultaneamente a pidi personal di un di e avionnan di Wardacosta pa asistencia.

   E avion tipo Dash-8 a logra di bula rond y uzando su camera tipo FLIR, facilmente a localisa dos persona y a informa miembro nan di Wardacosta riba boto pa asina nan por bay investiga. Na momento cu nan a yega cerca, a logra di detene un di nan, sinembargo e otro a huy. E personanan tabata hortando diferente tubo di koper. A entrega e persona cu a logra detene na personal di KPA cu lo continua cu e caso.  

   Di parti di Wardacosta nos ke bisa danki na comunidad pa informa nan. Na momento cu tin un emergencia riba lama of algun tipo di movecion straño, djis tuma contacto cu nan via di 913