Kiwanis Club Aruba cu huespednan special na nan reunion general

ORANJESTAD (AAN): Recientemente durante nan Reunion General, e miembronan di Kiwanis Club of Aruba tabatin huespednan, cu ta forma parti di e ‘Aktion Club’ di Sonrisa.

   President Kay cu orguyo a introduci e directiva nobo, y a comparti un resumen inspirado di e numeroso proyecto y actividadnan cu nan a tene caba den e prome mita di 2026.  Aki ta papia di proyectonan di servicio, y hasta iniciativanan cu ta marca e diferencia den comunidad, nan dedicacion y entusiasmo di berdad a keda destaca aki.

   President Kay a duna un bista di fenomenal proyectonan cu nan ta na caminda cu nan, y Kiwanis Club of Aruba ta ancioso pa mira loke e team increibel aki lo logra den siguiente lunanan.

   Na final nan a ofrece palabra di hopi danki na President Kay, na Vice-President Rechenel, y e consehera Kaisa di a participa na nan reunion, y duna informacion di nan logronan, y inspira esnan di e Club cu nan compromiso pa servicio y liderato.

   Kiwanis Club of Aruba a splica cu nan ta orguyoso di apoya y celebra e lidernan hoben aki di Aktion Club Sonrisa.  Nan mensahe ta pa e grupo ta pa nan sigui inspira, sigui sirbi, y sigui marca e diferencia, un proyecto cada biaha.