Banco Central di Aruba a mantene reserva obligatorio pa banconan na 12.5%

Desde 1 di Juli caba...

ORANJESTAD (AAN): Banco Central di Aruba (BCA) a dicidi durante e reunion di e Comite di Maneho Monetario  riba 15 di juni 2026 pa mantene e tasa di reserva obligatorio pa banconan comercial na 12.5% entrante 1 di juli 2026.  Aki tin algun punto principal relaciona cu esaki:

    (1) Reservanan adecua: Te cu 22 di mei 2026, reservanan di divisa a sobrepasa substancialmente e normanan cu BCA ta monitoria. Ademas, BCA ta anticipa cu e reservanan di divisa lo keda adecua durante 2026.

   (2) Un inflacion abao: Ambos indicador di inflacion midi na final di luna contra e mesun luna di e aña anterior y e promedio anual di inflacion a permanece na nivelnan relativamente abou di 0,8% y 0,2% respectivamente na april 2026.

   (3) Incertidumbre mundial economico: E incertidumbre mundial, incluyendo e tensionnan geopolitico persistente, por impacta e reservanan di divisa y inflacion, cu por causa desviacionnan for di e proyeccionnan cu ta fungi como punto di salida (“baseline”).

   Banco Central di Aruba ta monitor indicadornan monetario y economico di cerca y lo ahusta su posicion di maneho monetario ora ta necesario pa mantene e tasa fiho di e Florin na e dollar Mericano.