Yudando Neptali Henriquez Park bira aun mas colorido y safe

ORANJESTAD (AAN): Diasabra cu a pasa, Kiwanis Club of Palm Beach a yega na Neptali Henriquez Park pa asina haci reparacion, y pone e lugar aki bek den top condicion.

   Esey no ta tur, pasobra nan a haci gran progreso riba nan area nobo di hunga pa muchanan di 2 te cu 5 aña di edad, agregando mas seguridad, un imagen nobo, y haciendo uzo di hopi color bunita.  Cada paso ta yuda e lugar yega mas cerca di bay bira un lugar special unda muchanan chikito por hunga na forma safe, explora, y crea memorianan.

   DIARIO a haya sa, cu tanto Neptali Henriquez Park y Kiwanis Club of Palm Beach tin algo grandi pa divulga muy pronto.  Pabien cu e bon trabao aki na Neptali Henriquez Park.