Polis y famia buscando paradero di hoben Jaydrick Calderon

ORANJESTAD (AAN): Famianan a pidi cooperacion di Polis, pa yuda busca un hoben di 16 aña kende ta perdi e ultimo dianan aki.

   Su nomber ta Jaydrick Calderon Zievinger, kende ta naci dia 7 di Maart 2010.  E tin un estatura halto di 1.75 meter, color di cuero ta cla, y ta comunica na Papiamento.

   E ultimo biaha cu a mir’e tabata den bario di Bakval na Noord.

   Un suplica ta bay na comunidad pa yuda localiza e mucha homber aki, y si bo tin informacion por fabor yama Tipline di Polis na 111-41.  Si acaso ta mas urgente, yama Polis mesora na telefon 100.

   Si acaso tin hende cu tin e “hoben aki teni”, corda cu bo tin di entreg’e mas rapido posibel na un di e Wardanan di Polis, como cu loke bo ta haciendo ta castigabel pa ley.