ORANJSTAD (AAN): Diahuebs anochi pa exactamente 10:00:06 pm a registra un temblor den fondo di lama poco pabao di Aruba.
E epicentro a wordo localiza na 12.36º Nort y 70.53º West. Esaki ta exactamente 54 km West-Zuidwest di Punta Brabo (cerca di Eagle Beach) na Aruba. E ta igual cu 59 km Zuidwest di Beach di Arashi na Aruba. E ta igual cu 60 km West-Zuidwest di De Palm Island na Aruba.
El a registra un magnitud chikito di 2.5º riba Scala di Richter. E tabata na un profundidad menos di 30 km bao subsuelo di lama. Ningun informe a drenta di hende cu a sinti algo di e temblor aki di 10’or di anochi na Aruba.
VENEZUELA: Mientras tanto, na Venezuela e cantidad di “Aftershocks” cu a keda registra despues di e dos temblornan devastador di Diaranson anochi trempan, a sobrepasa ya caba 120 total, y mayoria ta den area di estado La Guaira, estado Aragua, y estado Carabobo. Uno di nan a hasta registra Diaranson anochi pa 7:39 pm cu magnitud di 4.2º. E Aftershock ey tabata como 115 km Oost-Zuidoost di Willem Toren na e parti mas pazuid di isla di Bonaire.
Related News
Minister Geoffrey Wever ta anuncia e prome San Nicolas Food Festival
Un liderazgo responsabel no ta bandona su encargo den medio di retonan grandi
Parlamentario John Hart ta solicita reunion urgente pa trata problema di acceso na inscrip...
