Ultimate a lansa Suzuki Across cu varios aspecto di seguridad y confort

ORANJESTAD(AAN): Diaranson atardi Ultimate Automobiles a lansa su auto mas nobo di Suzuki, cu ta e ‘Suzuki Across’.

   Assistant General Manager di Ultimate Gershom Oduber den un entrevista a splica cu e Suzuki Across ta un crossover full nobo pero no solamente pa e segmento di crossovers, pero tambe e ta bin cu hopi ‘features’ nobo cu Suzuki no tabata tin antes cu ta hacie uno hopi avansa.

   Esaki ta inclui features cu no ta standard den tur modelo manera 6 airbags, como tambe advanced cruise control, unda cu e auto mes ta regula e velocidad y e distancia for di e auto bo dilanti.

   “E auto aki tin tambe features di confort incluyendo electrical seating y un suspension mas refina, mientras e parti pafo di e auto ta uza lusnan L.E.D cu ta ahcie hopi masa moderno y ta aporta na e features di seguridad”, segun Oduber.

   El a sigui bisa cu e prijsnan  ta hopi atractivo, unda cu e prijs di introduccion pa e auto Japones aki version GL ta cuminsa na 57.000 florin, mientras cu e version GLX cu ta bin cu tur e features cu bo lo desea ta na 61.000 florin.

   DIARIO a puntra Oduber tocante e posibilidad pa cumpra piesa pa e auto ora necesario y el a indica cu piesa semper ta un reto pero e compania Inchcape cu ta e representante di Suzuki den Caribe ta facilita e proceso di haya piesa pa e auto.

   Actualmente tin 12 diferente color di Suzuki Across disponibel na Ultimate Automobiles na Tanki Leendert.