Antwone Kelly ta bira e Arubiano mas reciente pa subi den Major League

*Pirates a subi Kelly pa e serie di fin di siman

PITTSBURGH: Despues cu shortstop Xander Bogaerts a haci su debut den Major League pa Boston Red Sox den luna di Augustus di 2013 y catcher Chadwick Tromp a haci esaki pa San Francisco Giants na Juli di 2020, pitcher Antwone Kelly ta bay ta e Arubiano mas reciente pa ta den Major League.

Pittsburgh Pirates a dicidi di subi e pitcher drechi pa Major League pa e serie di fin di siman contra Miami Marlins, pa e yuda nan cu nan problemanan di bullpen.

Na Triple-A Indianapolis e temporada aki e Arubiano di 22 aña tin un ERA di 4.50.