Compromiso ta sigui cu deportista Sarah-Quita Offringa

Setar ta sigui sostene e orguyo di Aruba

ORANJESTAD (AAN): Siman pasa, DIARIO a tuma nota cu e compania Setar NV na un forma orguyoso ta reafirma su compromiso cu Sarah-Quita Offringa.

   Setar NV a anuncia di ta continua cu su aporte na Sarah-Quita Offringa, un campeon cu tin 28 titulo mundial bao su nomber.

   No ta secreto, cu Sarah-Quita ta un persona kende semper a carga Aruba su nomber unda cu el  a competi y ta un inspiracion pa nos tur, principalmente hobennan di e isla.

   Setar ta conecta bo cu loke ta importante, y nan ta convenci cu e gran yiu di tera Sarah-Quita ta importante pa nos tur.