Cruz Cora ta organizando ‘Capes for a Cause’

Comunidad tambe por aporta

ORANJESTAD (AAN): Cruz Cora Aruba ta orguyoso di anuncia Capes for a Cause, un evento unico y yen di inspiracion cu lo tuma lugar riba Diasabra, 30 di Mei 2026, for di 7:00 p.m. te 11:00 p.m. na Cruz Cora Dakota.

   E evento aki ta invita comunidad pa bira e heroe den nan mes, mientras cu nos hunto ta contribui na un bon causa. E evento aki ta pa recauda fondo pa proyectonan social pa comunidad  di Aruba, manera: Barica Yen, Curason Contento, Food Kitchen, bek to School Haircuts, Personal Hygiene Packages  otronan.

   Heroenan cu bin fiesta por disfruta di un ambiente espectarular cu lo inclui e musica unico di Robert su Solo Banda Show y animacion di DJ Randy di Megateca Metropolis.

   Lo bay cobra un suma pa pareha pa drenta, y e ta inclui 4 tokens y tapas, cu un cash bar disponible durante e anochi.

   Capes for a Cause ta simbolisa e forsa di comunidad, compasion y accion. Cada capa ta representa e heroe cu tin den nos tur—un recordatorio cu, hunto, nos por crea un impacto real den bida di otro. Cruz Cora Aruba ta invita tur miembro di comunidad, compania y organizacion pa participa y sostene e causa aki.  Pa mas informacion of reservacion: This email address is being protected from spambots. You need JavaScript enabled to view it. of tel. 582-2219.