Pa 2026 lo cuminza menciona atrobe nomber di esnan cu gana sorteo di Kavel pa Carnaval

Porfin algo logistico den e cambionan

• A bin awor extra kavel pa publico

ORANJESTAD (AAN): Directie Infrastructuur en Planning (DIP) conhunto cu Ministerio di Infrastructura ta informa  cambionan pa loke ta precario vergunning di kavel. DIP lo publica e maneho di kavel actualisa na www.dip.aw . E maneho ta consisti di informacion detaya di proceso procedura pa bin na remarke pa haya un precario vergunning pa kavel.

   Considerando e comentario di comunidad den ultimo 2 aña a haci cambio den maneho di Carnaval pa kavel. Desde e aña 2026 lo menciona nomber y fam di ganador di kavel, otro informacion di ganador no lo wordo publica pa proteha e privacidad di e ganador.

   Mas kavel: Tambe a informa cu a agrega mas kavel pa publico. Vondellaan tin un total di 83 kavel,  L.G. Smith Boulevard tin 139 kavel. E parti di Linear Park tambe a hacie kavel pa publico y nos tin 23 kavel. Mester tene na cuenta cu esaki si lo tin un midi mas chikito.

  Ta importante pa menciona cu e secuencia pa haya kavel ta bay keda mescos. Pa esnan cu ta desea di mira lista di ganador, por pasa libremente na oficina di DIP. E lista lo ta disponibel despues cu ricibie for di Notario.

   Con pa aplica: E biaha aki tin di bay online.  (*) Formulario ta disponibel online na www.dip.aw pa download.  (*) Zegel/stampia ta disponibel na Post kantoor na balor di 4 Florin. (*) Yena e peticion completo y corecto, pega un zegel/stampia na dje.  (*) Deposita esaki den e buzon corespondiente na loket di DIP na Sabana Blanco 68.  (*) Desde 5 di januari 2026 por cuminsa deposita e formulario te cu diahuebs 8 di januari 2026.  (*) Diabierna 9 di januari 2026 lo saca e ganadornan di kavels pa 2026.

   Punto di atencion: (*) Peticionnan cu ser entrega sin stampia of wordo yena incompleto  ta wordo considera invalido.  (*) Por cuminsa pone trailers 1 siman prome cu Carnaval, y mester kita trailers dentro di 1 siman despues di Carnaval.  (*) Na ganador di un kavel y vent kavel, DIP ta pidi pa cumpli cu regla cu nan ta pone den vergunning.  (*) Na ganador di un kavel y vent kavel por fabor manda un Identificacion valido y un prueba di persoonsnummer di belastingkantoor na This email address is being protected from spambots. You need JavaScript enabled to view it. y menciona e nummer di kavel ganador den e email.