AFTA a haci investigacion tocante prijs y structura den e sector di mercado alimenticio di Aruba

Roly Sint Jago, presidente directiva Aruba Fair Trade Authority: 

ORANJESTAD (AAN) – Aruba Fair Trade Authority, a yama un conferencia di prensa, den cual a hiba palabra señores Roly Sint Jago Presidente di e directiva, y Ernesto Kross, Director di AFTA.

Esaki cu e meta di comparti un investigacion di mercado, importante cu AFTa a haci tocante prijsnan y structura den e mercado di sector alimenticio.

Presidente di e directiva di AFTA, señor Sint Jabo a expresa cu no ta un secreto cu costo di bida, y specialmente prijsnan di comestible tin un impacto significante den e bida diario di Aruba. E investigacion aki ta trata di proporciona un vision cla tocante e factornan cu ta conduci na e prijsnan halto aki di comestible y evalua e funcionamento di e mercado den e sector esencial aki”, el a señala y a subraya cu AFTA ta hunga un papel ta hunga un papel crucial den promocion di competencia husto, den e mercado na Aruba.

“Competencia husto ta contribui na prijsnan mas abao, miho calidad di producto y servicio, y mas innovacion den e mercado. Nos trabao ta consisti di reinforza reglanan di competencia y realiza investigacionnan di e mercado”, Sint Jago a splica.

El a comenta cu considerando e importancia di e sector alimenticio pa bisa di e residentenan na Aruba, y a base di e señalnan cu nan a ricibi, a dicidi cu pa aña 2024 nan lo haci un investigacion riba prijs y structura di e mercado aki, pa averigua si tin obstaculonan cu lo por wordo elimina, y lo conduci na aumento di competencia den e mercado, y consecuentemente na reduccion di prijs y aumento di calidad y servicio den e mercado alimenticio.

Seguidamente, señor Sint Jago a introduci señor Ernesto Kross, director, director di Aruba Fair Trade Authority, ken ta e persona cu a supervisa e investigacionnan cu a ser realiza.

Kross a duna mas detaye riba e investigacion, resultadonan, conclusionnan y e siguiente pasonan referente na e sector alimenticio.

Den un siguiente articulo por lesa e informacion duna pa señor Ernesto Kross, Director.