Vera Kock a celebra 30 aniversario di Oduber Golden Palace cu hopi alegria y gratitud

ORANJESTAD (AAN) – Cu hopi alegria y gratitud pa su clientela, señora Vera Kock a celebra e di 30 aniversario di Oduber Golden Palace,

cual negoshi el a cuminza cu un eenmanszaak unda tabata bende Joya cas pa cas y oficina pa oficina, manera el a duna di conoce den un entrevista cortico cu DIARIO.

            No obstante e negoshi a cuminza crece hopi lihe cu ayudo di señora Kock su famianan cu a yuda cu benta ambulante di joya te cu e negoshi a bira un NV na 1993 y na 1995 a habri e tienda pa publico, den concepto di un boutique y reparacion di joya alavez. Señora Kock ta hopi gradici cu su famia cu semper a y ta dune support como tambe su fiel clientela.