Total di 73 automobilista a haya boet

Diasabra atardi na Playa

ORANJESTAD (AAN): Riba Diasabra atardi, Polisnan di distrito di Oranjestad a tene un control general te den oranan di anochi.

   Vocero Liliana Rasmijn di Polis, a confirma cu durante e control aki, e funcionarionan di Departamento DTP tambe tabata presente y conhuntamente a controla diferente vehiculo di motor entre otro TX, O, T, etc cu ta cay bao di transporte publico.

   En total oficialnan a controla 194 vehiculo di motor.  Y e resultado final ta cu 73 automobilista a haya un boet.

   Polis a splica cu e boetnan tabata entre otro pa seguro, keuring, belasting, rijbewijs, safety-belt, luz dilanti y luz di number di auto.

   Durante e control tambe a detene un persona pasobra e tabatin droga den su poder.

   Personal di DTP a parti 17 rapport durante e control aki.

   Segun vocero, Polis ta sigui enfatisa cu controlnan lo keda tuma lugar y percura pa bo tin bo documentonan na ordo y cu bo. Corda cu un Trafico Sigur Ta Responsabilidad di Nos Tur.