Tin posibilidad cu weekend y celebracion di Dia di Betico lo por a contribui na aumento di casonan di Covid

Di 38 pa 136 caso den un dia

ORANJESTAD (AAN): Asina un virus ta funciona. Un descuido y den un rato e casonan por bolbe lanta cabes. Esaki ta locual por ripara for di e cifranan di diahuebs.

Riba diaranson, a raporta 38 caso nobo, pero segun resumen di diahuebs, 102 persona a recupera y un total di 136 caso nobo di COVID-19 a keda registra di cual 5 ta no-residente.

E cifranan aki ta representa un 'Positivity rate' bou di residentenan di 49%. E cantidad di casonan activo di COVID-19 ta 410 y cantidad di fayecidonan relaciona cu COVID-19 ta 193.        Datonan ta ilustra casonan nobo di COVID cu un averahe semanal di 126 caso pa dia y un averahe di 'Positivity rate' semanal di 52% pa dia.

Actualmente na Aruba tin 42 persona interna cu of debi na COVID di cual den ICU tin 4 persona y riba piso general tin 38.

Na Colombia tin actualmente 7 persona den ICU y ningun (0) riba piso general.