ORANJESTAD (AAN): Dunamento di e booster shot ta sigui na Centro Libertador Betico Croes na Santa Cruz y por mira cu e dianan aki no tin rijnan largo di hende ta warda pa tuma e di 3 vacuna.
Ta bon pa mas hende posibel tuma e vacuna y apesar di e hecho cu e sport hall no ta yena cu hende ta tumando e booster, e parti positivo ta cu tur dia hendenan ta presenta pa wordo vacuna, tanto adultonan hoben, como tambe hendenan mas grandi di edad.
Como cu no ta demasiado druk na Centro Libertador Betico Croes, ta menos molester pa hende bay tuma e vacuna, como cu actualmente nan lo no perde mucho tempo.
Actualmente e parti mas largo cu un persona tin cu warda ta ora cu despues di tuma e vacuna e tin cu warda por lo menos 15 minuut, pa sigura cu e no sufri ningun tipo di complicacion.
Specialmente rond di merdia DIARIO nota cu no tin un cantidad grandi di hende den e centro deportivo wardando pa wordo vacuna.
Related News
Como Haitiano semper ta sinti cu Aruba ta nos cas y semper ta biba den harmonia
E grado di Hueznan Arubiano ta esun di mas halto di tur e otro Cortenan di Curacao y Sint ...
Mike de Meza ta reta Ministronan pa trece prueba cu compania Canades a bay cu mas di 100 m...
