Studiantenan di International School of Aruba a atende workshop di educacion financiero duna pa CMB Bank

ORANJESTAD (AAN): E alumnonan di Grado 8 di International School of Aruba, a participa na un workshop informativo di Educacion Financiero, organiza pa CMB Bank.

   E studiantenan a si؜ña habilidadnan hopi valioso, manera con pa maneha gastonan, crea presupuestonan realistico basa riba entrada, con pa haci diferencia entre necesidad y deseonan, y tuma decision financiero na forma sabi.  E lesnan aki lo bay beneficia nan ora cu nan crece y bira adultonan hoben responsabel y bon informa.

   Directiva di International School of Aruba cu ta situa na Wayaca, ta manda nan gran agradecimento na director Di Mauro di CMB Bank, y su team dedica cu a inverti nan tempo, energia, y experiencia pa duna les den e habilidad di bida importante aki.  Danki pa sostene e exito di e studiantenan aki.

  Na final e alumnonan a ricibi un certificado di participacion na e workshop.