Situacion den Caribe ta hopi tenso y pesey Prome Ministro a cancela bishita pa Hulanda

Eman a bisa di no tin ‘info’ di loke lo por socede

ORANJESTAD (AAN): E fin di siman aki un delegacion di Aruba lo a sali pa Hulanda pa atende un serie di temanan importante.

   Prome Minister mr. Mike Eman ta riba programa pa duna un di e principal lecturnan riba relacionan den Reino  dia 9 di december durante Inter Expo-Koninkrijk, hunto cu entre otro Ministernan di Estado Balkenende y Hirsch Ballin. 

   Tambe Prome Minister Eman lo a tene reunionan cu principalnan di formacion di un gobierno nobo na Hulanda. Riba programa ta tambe firmamento di un acuerdo nobo cu Schiphol.

   E situacion den region y responsabilidad di Prome Minister mr. Mike Eman pa dirigi e preparacionan y evaluacionan di e scenarionan den region a pone Minister President Eman yega na e decision aki.

   Minister President mr. Mike Eman ta bisa cu no tin informacion specifico di kico lo por pasa of cu lo pasa of ki dia, pero cu e tension ta palpable y nos tin un responsabilidad na cas na e momentonan aki den coordinacion cu autoridadnan di Relacionnan Exterior y Defensa di Reino y nos instancianan local”.