ORANJESTAD (AAN): Ultimamente clientenan di SETAR por experiencia cu ta haya mensahenan straño via WhatsApp y/of SMS di un persona desconoci, un persona den bo lista di contacto of un compania.
E mensahenan aki sa bin na varios idioma incluyendo Papiamento.
SETAR ta pidi su clientenan pa ta alerta riba e tipo di mensahenan aki. Importante ta pa no chat, ni provee ningun tipo di informacion of click riba linknan. Den caso di WhatsApp bo por block & raporta e number.
Tene na cuenta cu companianan legitimo no lo pidi bo bo informacion personal of informacion di bo cuentanan via mensahenan di texto.
Si bo ta kere e mensahe por ta real, tuma contacto cu e compania indica. Asina aki bo ta evita di bira victima di scammers cu ta purba horta bo informacion personal.
Related News
Ministro Geoffrey Wever ta introduci constelacion nobo di Raad van Commissarissen di Setar
Homber haya cu plantacion di marihuana ta para riba cu e no a haci nada malo
Colombia a intercepta speedboat carga cu 323 kilo di cocaina riba lama pabao di Aruba
