ORANJESTAD (AAN): Hoofdstembureau a organisa un sesion informativo diahuebs,
28 di November na Marriot Resort & Stellaris Casino Grand Ballroom pa tur miembronan cu lo
traha na e urnanan electoral pa eleccion di 6 di December 2024.
Durante e sesion informativo, e siguiente puntonan a wordo trata;
- Stemdistrict y Stembureau: Splicacion di e division geografico y funcion di e urnanan
electoral.
- Bijzondere Stem Bureaus: Informacion relaciona cu urna ambulante.
- Tareanan di Miembronan: Splicacion di tareanan general, prome y despues di eleccion,
incluyendo maneho di e materialnan electoral y proceso di conteo.
- Procedura di Votacion: Splicacion di e proceso di votacion pa votadonan, incluyendo
documentacion necesario y regulacionnan.
- Puntonan di Atencion: Recordatorio pa mantene ordo, maneho di situacionnan di
emergencia, y cumplimento di regulacionnan electoral.
Ademas, a anuncia cu lo tin un otro sesion informativo pa presidente y e di dos miembro
(presidente suplente) di e urnanan electoral, cu lo tuma lugar dia 4 di december 2024.
E sesion a caba cu oportunidad pa haci preguntanan y clarificacion di duda pa tur participante
presente.
Conseho Electoral Aruba kier gradici tur miembronan di urna y otro asistente pa nan
compromiso y contribucion crucial na nos proceso democratico. Nos ta desea tur miembro hopi
exito cu nan tareanan y hopi animacion riba caminda pa eleccion 2024.
Related News
Colegio EPI a tene foro cu tur Partido Politico pa alumnonan cu ta bay vota
Gobernacion ta algo serio y no ta tempo pa purba score “bulando cu hala di manteca”
Ministerio Publico ta persigui Otmar Oduber y ta mina normanan di cultura di Aruba
