Seminario brinda na tur SubFiscal riba diferente tema di husticia

ORANJESATD (AAN): Den luna di juni a tuma lugar un seminario pa tur e subfiscalnan di Aruba.

E seminario a dura un dia completo y tabata uno hopi intensivo yena cu informacion.

   Diferente orador principal entre otro Huez- Comisario señora Mr. U.I.D. Luydens, Abogado- Genaral señora Mr. C.A. Kardol, fiscal di husticia señora Mr. A. Schotman, sra A. Flemming di AAA y señora drs. Mr. M.A. van Loon a trece informacionnan valioso dilanti.

   Durante e seminario a papia riba temanan manera listramento (doorzoeking), aresto (aanhouding), confisca (inbeslagneming), jurisprudencia y mucho mas.

   E oficialnan presente a haci hopi pregunta y na final a gradici cada orador invita pa e informacion util cu nan a comparti den e seminario.