Preparando di awor caba pa competencianan na Valdosta

ORANJESTAD (AAN): Debi cu tin un grupo grandi di coredornan di motorcycle ta preparando pa representa e bunita Isla di Aruba na South Georgia Motorsports Park na Valdosta na Georgia (Merca)

e aña aki atrobe, riba Diasabra DIARIO Deportivo a mira varios di nan cu a probecha di test nan brommer riba e pista di Palo Marga Raceway Park.

   Mester menciona, cu Aruba su nomber ta bon marca na e caredanan na Valdosta, ya cu cada biaha cu e team Aruba aki bay pusta, nan ta percura pa pone e nomber di Aruba bon di halto y varios di nos coredornan, hasta a yega te den e semi final y final nan.

   Nan ta demostrando di tin confianza di lo logra gran puesto e biaha aki atrobe.