Peloteronan di Kibaima 40 Plussers a haya uniform nobo

ORANJESTAD (AAN): Kibaima 40 Plussers, como un famia feliz den fin di siman a bautisa nan uniform.

   DIARIO tabata presente na Maria Maai Veld, ora cu esaki a tuma lugar.  Ta asina cu awor cu a flexibiliza e medidanan pa mitiga e brote di Covid-19, awor cuminza cu Liga 40 bek na Aruba.

   Nan ta contento pa e peloteronan 40 Plussers cuminza cu campeonato unda tur Diadomingo ta diverti cu famia mirando wega.

  A compronde cu nan uniform a wordo patrocina pa famia Chundro cu Spotless Cleaning Service, y nan ta sumamente agradecido pa esey, y cu nan a logra haya patrocinador.  Pasobra awendia esey ta dificil pa haya.

   E team di Kibaima ta conoci den ABC pa hopi aña caba como uno cu ta logra bira campeon.  E team aki a cumpliendo 42 aña di existencia.  Kibaima forma pa famianan di señores Fan Dijkhoff, Joy Orman, Efrem Orman, y Tirso Tromp.

   Sra. Kelly ta president di Kibaima 40 Plussers, mientras cu Joy Orman ta dirigi 50 Plussers, y sra. Kelly ta dirigi 40 Plussers.   Un mucha chikito miembro di famia Chundro mes a bautisa e uniform aki.