Parti di e refineria na San Nicolas ta sigui deteriora

ORANJESTAD (AAN); Como cu casi no tin nada di mantenimento andando, bo por mira cu e Refineria na San Nicolas ta convirtiendo su mes den un berdadero “Coffeemaker Bieu”,

manera oficialnan na Venezuela a yega di describi e refineria tempo cu Lago a cera su porta na 1985.

   A check cu Venezuela e tempo ey si acaso nan lo kier a tuma e refineria di Exxon over, pero e palabra cu oficialnan Venezolano a yega di usa pa describi e estado di refineria di Aruba, ta “una vieja cafetera”.

   Sinembargo despues di esey toch por a mira con otro compania a bin, y cu mantenimento a logra opera esaki bao nomber di Coastal, como tambe Valero, y na final por poco como Citgo.

   Desde 2013 e no ta activo mas, y tur parti di e tubonan di oil movements, boilernan, instalacionnan necesario di sosten, a cuminza putri y cay den otro.  Hasta parti di e Reefberth ta completamente na werki.

   Esnan cu ta bishitando area di Rodger’s Beach, por mira claramente kico ta pasando cu henter e area di e Refineria cu tabata encarga pa yena y entrega Sulfur na barconan.  Esey ta cu tur e setup di conveyor belt, canalnan pa guia esaki, y demas hopper pa por yena barconan di carga bek cu e quimico aki, ta tur kibra y a cay kibra den otro.

   Y esaki ta loke bo por mira for di Rodger’s Beach e dianan aki.  Tur loke a keda atras di e refineria, cu ta como 8 aña caba inactivo, ta parce di ta deteriorando cu velocidad accelera.