The content originally appeared on:
Diario
ORANJESTAD (AAN): E peticion a wordo haci na hopi alumno di scol y docente, pa riba Diabierna 12 di April nan a bay bisti na Blauw.
Di e forma aki bo ta mustra cu bo ta para contra Abuso di Mucha.
Negligencia ta un di e formanan di abuso cu mas ta wordo observa na algun scol na Aruba. DIARIO a nota cu varios negoshi tambe a coopera, y a sugeri empleadonan pa Diabierna nan a presenta pa labora cu paña blauw bisti.
Tur esaki ta un iniciativa di Fundacion Mi Voz Ta Bo Voz (FMVTBV) di Lisette Gomes, cu a hasta agrega un campaña special pa e luna di prevencion di abuso di mucha. Pues bo por saca un selfie di bo mes na blauw bisti, y tag y share esaki cu e hashtag #mivoztabovoz pa asina mas hende por mira tur esaki.
Riba e potret aki por mira staf y personal di Colegio San Antonio MAVO kendenan a saca potret di nan mes bisti na blauw, pa mustra riba e importancia di Luna di April contra abuso di mucha.
