Muchanan y alumnonan di SKOA ta ricibi un educacion completo cu ta prepara nan pa futuro

​

ORANJESTAD (AAN): Educacion ta primordial den e bida di cada ser humano.

SKOA  ta kere cu educacion ta e yabi pa e mucha descubri su potencial completo y ta habri caminda pa un futuro yena cu posibilidad.

             Pesey ta enfoca ariba e desaroyo y crecemento di cada mucha y ta ofrece un programa di educacion completo y di calidad cu ta enfatisa ariba balornan Catolico, comunicacion na nivel multilingual, inclusion, innovacion y tambe actividadnan extra-curicular. Muchanan y alumnonan di SKOA ta ricibi un educacion completo cu ta prepara nan pa futuro. 

Inscribi Online

Por inscribi via nan website pa asina inscribi completamente online. Por inscribi via email. Por inscribi tambe via WhatsApp na +297 748 5995 y sigui e pasonan pa completa e inscripcion. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente.

            Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis via nan sistema di SAS. 

Contribucion di mayor

            Pa por completa inscripcion pa aña escolar nobo di 2024-2025, mester cumpli cu e rekisito di SKOA cu ta rekeri e contribucion di “schoolgeld y airco geld” di 2023-2024 ta ful paga. Mayornan cu ta desea un areglo di pago por haci peticion pa esaki. 

SKOA tey pa guia tur mayor durante e proceso di inscripcion. Pa mas informacion bishita nos website www.skoa.aw.