The content originally appeared on:
Diario
ORANJESTAD (AAN): Diamars mainta Minister di Asuntonan Economico, Comunicacion y Desaroyo Sostenibel,
Geoffrey Wever y delegacion di Aruba, consistiendo di Directora di DEZHI Señora Dijkhoff, Presidente di KVK Sr. Kemmerling y Director di ATIA Sr. Henriquez, a start cu e ‘Mision Comercial’ na Suriname.
Na Paramaribo, nan a reuni cu Minister di Economia, Empresarial y Inovacion di Surinam Señora Rishma Kuldipsingh na Paramaribo, Surinam, pa inicia combersacionnan y explora e posiblidadnan di coperacion riba tereno di economia entre Aruba cu Surinam y asina purba stimula mas actividad comercial entre e dos Paisnan.
“Mi ta contento di por a sinta cu Minister Kuldipsingh,” Minister Wever a cuminsa ta bisa, “E combersacionnan sigur tabata uno interesante y nos por mira ja caba cu tin nos tin interes nan mutuo pa asina stimula e lasonan entre e paisnan riba tereno comercial.”
Durante e combersacionnan Minister Wever y Minister Kuldipsing a explora con por mehora conectividad entre Aruba y Surinam pa percura cu productonan por worde transporta na un forma mas eficiente y frecuente. Tambe a sondia con Aruba su sector di servicio por asisti e comunidad comercial di Surinam, manera sector financiero.
“E reunion a bay den un ambiente sumamente positivo y nos a palabra cu nos ta bay intensifica e relacion comercial entre Aruba y Surinam”, Minister Wever a termina ta bisa.
