The content originally appeared on:
Diario
Director di DOW Ing. Marlon Croes a splica:
*Lo inventariza y evalua pa pone prioridad
ORANJESTAD (AAN) – Director di Departamento di Obranan Publico (DOW), ing. Marlon Croes, den entrevista cu DIARIO a menciona cu den transcurso di aña 2023, DOW a palabra cu Minister di Infrastructura, mirando cu RWZI ta bay pa sector priva, pa e suma cu tabata tin den presupuesto p’e, di cual un parti ta keda pa DOW, 5 miyon florin ta bay pa drecha caminda y 3 miyon pa mantencion di edificionan di gobierno.
Aworaki Ministerio di Infrastructura y DOW ta bay sinta pa wak e listanan, haci inventarizacion di edificionan y evalua nan pa wak prioridad, y edificionan cu por drecha pa menor costo y edificionan cu ta bay rekeri hopi mas inversion. DOW ta bay wak con pa deal cu nan, y si por cuminza e aña aki caba. Pa esnan cu ta rekeri inversionnan grandi ta bay planea cu e diferente ministerionan con nan ta bay haci’e.
E intencion ta pa drecha e edificionan aki pa uso di gobierno mes, pa asina baha e costo di huurmento. Pa loke ta scolnan publico esaki ta los di edificionan di gobierno, pa loke ta mantenimento. E aña aki tin ocho scol pa verf.
