Mike no por scapa di su responsabilidad den scandalnan

Cu portret cu ta papia di un encuentro DIARIO ta puntra 

*Berdad ta rementa den man di Mike prome cu eleccion yega

*Mike mester responde pa rapportnan oficial cu ta su condena

ORANJESTAD (AAN) — Kico ta democracia? Un lider politico cu a nenga di drenta Parlamento a pesar di e hecho cu den eleccion el a haya mayoria di voto?

DIARIO basta dia ta den espera di e final cu Mike Eman mester a crea pa un pasashi historico den politica na Aruba.

Con Mike lo a enfrenta Pueblo di Aruba atrobe den eleccion despues cu el a logra durante henter un periodo di gobernacion pa keda scondi pa su responsabilidad?

For di momento cu Mike Eman a haci su entrada den mundo politico di Aruba, e pais a conoce un teatro manera nunca e por a pensa di conoce.

Kico a pasa cu Aruba mientras Mike tabata hunga payaso den Reino cu a mira un Prome Ministro di Aruba ta muri di hamber den Fort Zoutman?

Mike a destrui Aruba. Aki nos no ta hunga politica pero nos ta pone riba mesa tur e rapportnan di expertonan cu nos tin den nos man y cu ta mustra cla con Mike Eman a trapa riba bienestar di e Arubiano cu a pone su confiansa den su persona.

Awe Mike mester bolbe pidi voto pero a pagara a cende pa no paga.

Ayera Aruba a conoce un dia special.

Mientras mas detencion tabata cay den e Caso Avestruz, Aruba tabata sigui tuma nota di e rapport oficial riba loke a pasa den Refineria di Aruba.

Awor unda Mike mes tabata den tur loke a pasa den su gobierno manera a sali dilanti for di momento cu el a bay sconde?

No ta Mike a abusa di Pueblo ora contra conseho di Raad van Advies entre otro el a corta entrada di Aruba cu BBO na mita y asina a causa e crisis financiero di Aruba cu a perde su Status Aparte ora Hulanda a pone Aruba bou supervision?

No ta Mike ta inventor di e proyectonan Bo Aruba cu un fondo di 1.6 Miljard di e pueblo votado di Aruba cu pa dos decada mas mester paga tur e debenan pa Mike por a haya voto na 2013 y asina sigui destrui Aruba?

Cu rapport den man DIARIO a duna prueba di loke tabata produccion di Mike Eman cu den su desesperacion na 2016 a firma un acuerdo cu Nicolas Maduro y asina tambe a introduci Refineria di Aruba, cu awe ta otro asunto den man di Ministerio Publico.

Awe no tin tempo pa hunga payaso mas y Mike mester contesta Aruba, a base di tur rapport oficial y tur cifra cu ta ilustra su maneho, kico el a haci cu Aruba for di 2009 te 2017.

No tin tempo pa Mike sigui hunga payaso y no duna cuenta di loke a pasa cu Aruba durante e temporada cu e tabata responsabel.

Pa analisa loke a pasa ayera dilanti Parlamento y tur e wega di vota electronico, DIARIO ta presenta e portret caminda por mira Mike cu tur cu tabata parti di refineria di Aruba cu awe ta otro scandal cu ta bou investigacion.

Na 2021 e show di payaso, cu Mike a haci su mes for di momento cu el a bay sconde den Fort Zoutman, ta termina.

DIARIO a pone rapportnan oficial cu Mike a logra sconde di su temporada como Prome Ministro, na conocemento di Aruba.

Ministerio Publico mester atende cu e asunto di tereno y cu Refineria Aruba y dicidi kico ta bay pasa.

Den e situacion hopi serio cu Aruba ta aden. Aruba no tin tempo mas pa wega di payaso di Mike pero awor ta bay al grano pa mira kico a pasa cu e bienestar di Aruba, cu segun rapportnan Gobierno Mike Eman a destrui.