ORANJESTAD (AAN): Diamars den oranan di mainta, ex Minister y Parlamentario Otmar Oduber
a presenta na Landsrecherche pa un interogacion relaciona cu caso ‘Flamingo’. Ministerio Publico a confirma detencion di Oduber.
E ex Minister ta den su prome dos dia di periodo di detencion (inverzekeringstelling), y despues di dos dia lo dicidi si e lo sigui den detencion pa 8 dia mas. Ministerio Publico tambe a confirma cu Oduber a wordo pidi pa presenta na Landsrecherche, na unda el a wordo deteni di biaha.
Caso Flamingo ta un investigacion amplio pa haya sa si un of mas compania na Aruba a logra obtene incorectamente un opcion riba terenonan di erfpacht den e periodo di November 2017 pa December 2019, caminda a investiga tambe e rol di e minister anterior.
Varios persona a wordo deteni, mas recien a inclui detencion di yiu homber di Otmar Oduber, Jeandrick, kende a sali liber despues di tres dia.
Related News
E tanki di awa den Rancho den Noordstraat (Avenida Alo Tromp)
Aruba no por copia aumento di sueldo minimo na Hulanda
Ban coopera cu nos hobennan, pa nan por representa Aruba den JMJH na Portugal
