The content originally appeared on:
Diario
Diaranson tin anochi informativo online
ORANJESTAD (AAN): Siman a habri cu e informe, cu Hogeschool Rotterdam ta bay brinda oportunidad pa studiantenan di aruba sigui enseñansa diHBO sin diploma, y esai atraves di e trayecto di 21+.
Si acaso bo no tin diploma di HAVO, VWO, MBO nivel 4 of MBO largo cu ta permiti bo pa worde admiti na e estudio di bo preferencia? Y bo tin 21 aña of mas riba 1 di October 2024 y bo ta desea di cuminsa un associate degree of un bachelor na September 2024?
Nos tin bon noticia pa bo! Haci e examen di Admision 21+. Si bo completa e examen cu exito, bo por worde admiti na e estudio di bo escogencia na Hogeschool Rotterdam. E trayecto aki ta inclui un test di habilidad y un maximo di 4 examen di admision.
Si bo completa e trayecto cu exito, bo por cuminsa e estudio di HBO di bo preferencia na Hogeschool Rotterdam na September 2024! Esaki ta un oportunidad unico pa e studiantenan sigui nan soño y sigui enseñansa avansa na nivel di HBO, hasta sin diploma di scol secundario.
Registra AWE ainda pa e anochi informativo online cu lo tuma luga riba Diaranson venidero 13 di maart for di 7:00 pm te cu 8:00 pm. Manda un email pa:
This email address is being protected from spambots. You need JavaScript enabled to view it.
Asina bo ta registra. Lo bo ricibi un link pa e zoom meeting.
