Henter e siman aki Departamento Asuntonan Economico ta mudando pa Cas Veneranda

ORANJESTAD (AAN): Manera a wordo anuncia di antemano, ora cu e edificio iconico ‘Cas Veneranda’ keda cla cu renobacion den Wilhelminastraat,

e lo bay ta e lugar unda Departamento di Asuntonan Economico lo bay funciona aden, como tambe un restaurant.

    Esey ta e motibo pakico henter e Departamento aki cu ta situa den prome piso di Sun Plaza Mall, lo muda awor desde 4 di Mei te cu 8 di Mei 2026 na e adres nobo den Wilhelminastraat 7.

   Di e forma ey, e Departamento lo habri bek pa publico riba Dialuna 11 di Mei 2026.  Di awor caba nan ta ofrece nan disculpa pa cualkier inconveniencia.  Hopi empleado ta contento cu ta bayendo pa un edificio completamente renoba, aunke algun ya ta pensando riba e pesadiya di haya lugar pa staciona auto.