Grupo pro-derechonan humano y anti vacuna a entrega manifiesto na Parlamento

ORANJESTAD (AAN) – E grupo pro derechonan humano y anti-vacuna contra covid-19, a entrega un manifiesto na Parlamento, cu ta contene 40 punto, cu nan kier pa wordo atendi inmediatamente.

            Segun e grupo e puntonan aki tin di haber cu discriminacion, tirania, y cu nan ta hopi descontento con e vacunacion ta bay pasobra hopi ta esnan cu a vacuna, pasobra nan mester mantene un trabao, of pasobra nan kier biaha, pues nan libertad ta corta.

            E ta spera cu e carta cu nan a entrega Parlamento, haya atencion pasobra si nan derecho lo a wordo respeta, nan no lo tabata tey e momento ey.

            Segun e grupo nan derechonan universal y constitucional ta wordo amenaza y pesey nan a entrega e manifiesto.

            Nan punto di salida ta cu pa ley no por obliga ningun hende pa tuma e vacuna na e momentonan aki, y gobierno tin e obligacion di cuida nan derechonan y no permiti ningun dunador di trabao trapa e leynan di e ciudadanonan y obliga trahado na haya e vacuna pa retene su trabao, of cu e mester ta vacuna pa haya un trabao.

            Ricardo Croes di RED Democratico ta un di esnan cu a papia y den un discurso largo, el a señala cu esaki no ta algo di su partido sino di un grupo cu a lanta pa derechonan humano, y ta forma parti di esakinan, y a pidi e gobernantenan, encarecidamente, pa no laga ningun organizacion internacional obliga nan, na trapa e derechonan humano, y a pidi pa caba di discriminacion.