Evelyn Wever-Croes: e mihor lider di Aruba for di 1986!

Situacion mundial explosivo y instabilidad Gobierno Hulandes ta exigi capacidad

*Un mundo di incertidumbre ta aplaudi su planificacion y logro gubernamental

*Petroleo den 70 Dollar y militarizacion mundial ta papia palabra cla pa futuro 

ORANJESTAD(AAN)—Diabierna 6 di December 2024 tabira un dia historico pa Aruba cu mester acudi na urna electoral pa dicidi riba futuro di e pais.

E figura central cu ta destaca den e eleccionnan aki, ta e persona di mr. Evelyn Wever-Croes, kende for di 2017 a acepta e encargo pa cual e ganador di eleccion 2017 Mike Eman a huy, pa dirigi Aruba y entrega Pueblo di Aruba un futuro nobo.

Un Aruba completamente destrui financieramente, den estado di bancarota manera Reino a splica, mester a enfrenta un futuro cu segun Mike Eman lo tabata di oro a base di su acuerdo fracasa cu dictador Venezolano Nicolas Maduro.

Mike Eman desaparece for di mapa politico di Aruba, cu el a laga  atras den un caos financiero, economico y social

Na  momento Aruba a perde su autoridad financiero hancra den Statuut pasobra e situacion a base di Statuus a habri porta pa Reino exigi supervision di Reino pa evita cu e Arubiano como ciudadano Hulandes, lo a mira su bienestar zink a base di loke a resta di henter Aruba.

Ta na e momento fatal pa Aruiba na 2017, ora mester a mira con ta haci cu e desastre economico di Citgo cu Mike Eman a laga atras como su bofon mas grandi enfrente Pueblo di Aruba.

Ta na e momento cu Mike a dicidi di scapa su curpa, e figura di Evelyn Wever-Croes a bini dilanti cu plannan concreto pa splica Aruba e unico forma pa scapa Status Aparte pero tambe e pan di cada dia di e Arubiano.

Eleccion 2017 a habri porta pa Aruba saluda un Ministro Presidente nobo pero tambe pa historia wordo skirbi dor di mr. Evelyn Wever-Croes y su team cu a splica Aruba con medidanan pisa mester wordo tuma pa scapa Aruba pero con a base di su plan, Aruba lo recupera y Aruba lo goza di un maneho financiero di Gobierno cu ta entrega na Pueblo loke Pueblo merece.

Na 2024 Reino Hulandes, incluso Hulanda, ta confronta situacionnan financiero y gubernamental cu ta crea inseguridad enorme pa henter Reino, cu na mes momento meste prepara su mes pa desaroyonan mundial, cu aparencia mas peligroso pa henter mundo for di hopi tempo.

Guera y mas guera y amenaza di armanan cu ta pone hende cu ta uza su cabez tembla, ta bini dilanti den un panorama mundial, den cual e Merca cu tin e base economico di Aruba den su man, ta hunga un papel importante mescos cu Hulanda como pais mas grandi den Reino cu manera DIARIO a splica ta parti di guera cu ta exigi inversionnan nobo den defensa Hulandes.

Den e situacion aki Aruba tin e fortaleza di e base cu a wordo crea dor di Prome Ministro Evelyn Wever-Croes, cu a cumpli cu su promesa di 2017 y a habri portanan pa un futuro nobo pa Aruba.

Cu trankilidad, Prome Ministro mr. Evelyn Wever-Croes ta dirigi Aruba, cu e mester sigura cu tin e ekipo di defensa pa e pais den cualkier situacion cu por presenta y cu e mester tin bon bista riba tur desaroyo cu por afecta Pueblo di Aruba.

Mientras tin politico cu ta grita cu mester habri porta di Venezuela cu Aruba, Prome Ministro Evelyn Wever-Croes na forma aserta a duna su garantia cu den e situacionnan actual e porta cu Venezuela cu peligro pa Aruba, ta keda cera.

Como dirigentenan di Aruba, conseheronan di e rangonan mas halto na mundo continuamente mester informa Prome Ministro Evelyn Wever-Croes di tur peliger di un mundo instabil, caminda e mester ta capaz pa proteha Aruba y tuma medidanan na momento cu esaki bira necesario pa atende cu cualkier problema serio cu e situacion mundial actual por produci.

Aruba hunto cu mundo ta enfrenta temponan dificil. Ta den e momentonan aki cu tur analisis y estudio cu realiza, ta entrega prueba cu Prome Ministro Evelyn Wever-Croes y su team, tin e base necesario pa cuida e bienestar di tur miembro di comunidad di Aruba riba tur tereno.

A pesar di e guia Aruba den temponan mas dificil for di momento cu Aruba a acepta Status Aparte, e bon maneho di Prome Ministro Evelyn Wever-Croes ta haci cu e por sigui demostra cu e ta lider cu den un crisis mundial no ta crea panico pa Pueblo pero ta mustra con Aruba por sigui riba e caminda di recuperacion.

Prome Ministro Wever-Croes no ta causa temor pa futuro na Pueblo pasobra el a percura pa un futuro responsabel pa Aruba, cu suficiente fondo pa Arubianonan na  Aruba goza di paketenan social cu ta haci un bida aceptabel.

Prome Ministro Wever-Croes a cana y a traha den Pueblo di Aruba, cu awe mester dicidi si e kier sigui traha den e direccion di recuperacion social y di bienestar of si e kier cay den trampanan di caymannan na boca di rio, awor cu gobernacion di Evelyn Wever-Croes a percura pa debolbe e Arubiano e bida y e futuro cu e Arubiano merece.

Historia di Aruba ta comproba cu mr. Evelyn Wever-Croes tabata e mihor lider gubernamental di Aruba, cu merece continuacion di su gobernacion, manera cu prueba DIARIO lo presenta na publico.