ORANJESTAD (AAN): Di 17 te cu 21 di october clero ta den exterior pa un retiro, esey ta haci cu ta bay tin un triduo (tridium) pa e preparacion di e fiesta patronal di Parokia San Juan Pablo II na Tanki Leendert.
Pastoor Jan Gospodarczyk di parokia San Juan Pablo II, conhuntamente cu Pastoral Hubenil Aruba tin e siguiente informacion pa tur parokiano y pueblo di Aruba en general.
Diahuebs dia 20 di october e prome dia di triduo ta 5:45 pm (Alpha y Omega) y santa misa 6:30 pm, diabierna dia 21 di october e di dos dia di e triduo ta 5:45 pm (Shalom) y santa misa 6:30 pm y diasabra dia 22 di october e di tres dia y ultimo dia di e triduo ta 5:15 pm (Team TL) y santa misa 6:00 pm.
Diadomingo 23 di october ta e gran celebracion di e fiesta patronal. Pa 7:30 am ta bay tin un rosario bibo na encargo di e hobennan cu ta preparando nan mes pa e Jornada Mundial di Hubentud di otro aña, cu lo tuma luga na Portugal. Y pa 9:00 am ta bay tin e misa solem.
Despues di e santa misa, e celebracion ta sigui cu un brindis na honor di San Juan Pablo II, “E Papa di Hobennan”.
Related News
Benny mester defende su mes contra otro acusadonan
Un biaha mas Aruba a sali den top 5 di 'USA Today 10Best Readers' Choice
Invitacion na pueblo henter pa celebra Dia di Famia na Centro di Bario Playa Pabao
