DVG ta sigui conseha pueblo pa cambia nan slok

ORANJESTAD (AAN): Cuanto sucu bo ta bebe?  Den cuadro di e campaña “Cambia bo Slok”, DVG ta trece dilanti e informacion importante aki.

   Bo sa cu Malta ta contene hopi sucu (caloria) y ta contribui gran parti na aumento di peso, obesidad y diabetes.

   Pero djis door di bebe ‘soda water’ of ‘sparkling water’, bo por kita sed y refresca bo mes di mes forma cu un Malta of otro bebidanan cu ta contene sucu ta haci, pero den un forma mas saludabel y economico.

   P’esey mes, cuminsa na ‘Cambia bo Slok’ y disfruta di e beneficionan cu bo ta busca manera kita bo sed y refresca den un forma mas saludabel y economico pa bo cartera, eliminando bebidanan cu hopi sucu manera Malta.  Spaar bo placa, spaar bo salud cu menos sucu, menos sed y mas refresca.