Diez chauffeur gara ta core burachi

ORANJESTAD (AAN): Diadomingo madruga polis di distrito di Oranjestad a tene control na diferente parti strategico den Oranjestad.

A enfoca primordialmente riba maneha bao influencia di alcohol.  Durante e control a para y controla 50 vehiculo di motor di cual a pone tur chauffeurnan supla.  Un total di 10 chauffeur a keda deteni pa maneha bao di influencia.

   Un di e chauffeur a resisti cu polis y na un manera tactico a logra pone den boei y transporte pa warda di polis.   Cuerpo Policial ta keda concientisa cu si bo ta bebe no stuur. Corda bo tin bo sernan keri ta wardabo na cas. Tambe tin chauffeurnan cu si ta responsabel riba caminda. KPA ta recordabo cu Un Trafico Sigur Ta Responsabilidad di nos tur.